.. title: §4. Vādī-e pinhāñ
.. slug: itoohavesomedreams/poem_4
.. date: 2018-11-12 21:20:49 UTC
.. tags: poem itoohavesomedreams rashid
.. link: 
.. description: transliterated version of "Vādī-e pinhāñ"
.. type: text



| vaqt ke daryā meñ uṭṭhī thī abhī pahlī hī lahr
| chand insānoñ ne lī ik vādī-e pinhāñ kī rāh
| mil gaʾī un ko vahāñ
| āġhosh-e rāḥat meñ panāh
| kar liyā taʿmīr ik mausīqī-o-ʿishrat kā shahr,
| mashriq-o-maġhrib ke pār
| zindagī aur maut kī farsūdah shah-rāhoñ se dūr
| jis jagah se āsmāñ kā qāfilah letā hai nūr
| jis jagah har ṣubḥ ko miltā hai īmā-e z̤ahūr
| aur bune jāte haiñ rātoñ ke liye ḳhvāboñ ke jāl
| sīkhtī hai jis jagah pardāz ḥūr
| aur farishtoñ ko jahāñ miltā hai āhang-e surūr
| ġham naṣīb ahrīmanoñ ko giryah-o-āh-o-fiġhāñ!
| 
| kāsh batlā de koʾī
| mujh ko bhī is vādī-e pinhāñ kī rāh
| mujh ko ab tak justajū hai
| zindagī ke tāzah jolāñ-gāh kī
| kaisī bezārī sī hai
| zindagī ke kuhnah āhang-e musalsal se mujhe
| sar-zamīn-e zīst kī afsurdah maḥfil se mujhe
| dekh le ik bār kāsh
| us jahāñ kā manz̤ir-e rangīñ nigāh
| jis jagah hai qahqahoñ kā ik daraḳhshandah vufūr
| jis jagah se āsmāñ kā qāfilah letā hai nūr
| jis kī rifʿat dekh-kar ḳhvud himmat-e yazdāñ hai chūr
| jis jagah hai vaqt ik tāzah surūr
| zindagī kā pairahan hai tār tār!
| jis jagah ahrīmanoñ kā bhī nahīñ kuchh iḳhtiyār
| mashriq-o-maġhrib ke pār!

|left arrow link|_

|right arrow link|_



.. |left arrow link| replace:: |arrow_left| §3. Sitāre (sāneṭ) 
.. _left arrow link: /itoohavesomedreams/poem_3

.. |right arrow link| replace::  §5. Gunāh aur muḥabbat |arrow_right| 
.. _right arrow link: /itoohavesomedreams/poem_5

.. admonition:: I Too Have Some Dreams: N. M. Rashed and Modernism in Urdu Poetry

  A translation of this Urdu poem by N. M. Rashed as well as this transliteration appears in the
  appendix of *I Too Have Some Dreams*. The transliteration is intended for
  people who can understand Urdu/Hindi or related languages. I hope to soon 
  add performances of these poems as well. 
  
  .. link_figure:: /itoohavesomedreams/
        :title: I Too Have Some Dreams Resource Page
        :class: link-figure
        :image_url: /galleries/i2havesomedreams/i2havesomedreams-small.jpg