.. title: §2. Ek din—lārins bāġh meñ (ek kaifiyat)
.. slug: itoohavesomedreams/poem_2
.. date: 2018-11-12 21:20:49 UTC
.. tags: poem itoohavesomedreams rashid
.. link: 
.. description: transliterated version of "Ek din—lārins bāġh meñ (ek kaifiyat)"
.. type: text



| baiṭhā huʾā hūñ ṣubḥ se lārins bāġh meñ
| afkār kā hujūm hai mere dimāġh meñ
|         chhāyā huʾā hai chār t̤araf bāġh meñ sukūt
|         tanhāʾiyoñ kī god meñ leṭā huʾā hūñ maiñ
| ashjār bār bār ḍarāte haiñ ban-ke bhūt
| jab dekhtā hūñ un kī t̤araf kāñptā hūñ maiñ
|     baiṭhā huʾā hūñ ṣubḥ se lārins bāġh meñ!
| 
| lārins bāġh! kaif-o-lat̤āfat ke ḳhuld-zār
| vuh mausam-e nashāt̤! vuh ayyām-e nau-bahār
|         bhūle huʾe manāz̤ir-e rangīñ bahār ke
|         afkār ban-ke rūḥ meñ merī utar gaʾe
| vuh mast gīt mausam-e ʿishrat-fashār ke
| gahrāʾiyoñ ko dil kī ġham ābād kar gaʾe
|     lārins bāġh! kaif-o-lat̤āfat ke ḳhuld-zār
| 
| hai āsmāñ pah kālī ghaṭāʾoñ kā izhdihām
| hone lagī hai vaqt se pahle hī āj shām
|         dunyā kī āñkh nīñd se jis vaqt jhuk gaʾī
|         jab kāʾināt kho gaʾī asrār-e ḳhvāb meñ
| sīne meñ jū-e ashk hai mere rukī huʾī
| jā-kar use bahāʾūñgā kunj-e gulāb meñ
|         hai āsmāñ pah kālī ghaṭāʾoñ kā izhdihām
|         afkār kā hujūm hai mere dimāġh meñ
|     baiṭhā huʾā hūñ ṣubḥ se lārins bāġh meñ!

|left arrow link|_

|right arrow link|_



.. |left arrow link| replace:: |arrow_left| §1. Bādal (sāneṭ) 
.. _left arrow link: /itoohavesomedreams/poem_1

.. |right arrow link| replace::  §3. Sitāre (sāneṭ) |arrow_right| 
.. _right arrow link: /itoohavesomedreams/poem_3

.. admonition:: I Too Have Some Dreams: N. M. Rashed and Modernism in Urdu Poetry

  A translation of this Urdu poem by N. M. Rashed as well as this transliteration appears in the
  appendix of *I Too Have Some Dreams*. The transliteration is intended for
  people who can understand Urdu/Hindi or related languages. I hope to soon 
  add performances of these poems as well. 
  
  .. link_figure:: /itoohavesomedreams/
        :title: I Too Have Some Dreams Resource Page
        :class: link-figure
        :image_url: /galleries/i2havesomedreams/i2havesomedreams-small.jpg